Shillong, 30 ïaiong:
Ki samla ba la pass ia ka kam Jugali hynrei ki bym pat ioh ia ka shithi thungkam haduh mynta ruh ki la byrngem ba lada ka sorkar kam thungkam ia ki hapoh ka 15 tarik u jymmang kin kyntait ia ka seng Congress ha ka elekshon 2018. Ki la shim ia katei ka rai ha ka jingialang jong ki kaba la long mynta ka sngi ha Dorbar Hall, Lumkshaid ha ryngkat ka jingdonlang ki nongialam ka KHNAM state Youth Wing. U President ka KHNAM SYW u bah Thomas Passah u la ong ba ka jingialang ka la rai ruh ban ia syllok bad ki stad aiñ ban leit sha ki bor ka aiñ lada jia ba ka sorkar ka pynslem ban thungkam ia kitei ki Jugali.
U bah Passah u la ong ba kin leit ban ujor sha u u Lat ka Jylla ba un tuklar ia kane ka kam. Lah ban kdew ba ka sorkar ka la thungkam 290 ngut ki Jugali bad ki dang don da ki spah ngut kiba ka sorkar ka la kular ban thung ha ka phase II bad III, bad katei ka jingthungkam ia ki kan kut noh ha ka 2 tarik u nailar, 2017. Baroh kiba la pass ia ka kam Jugali ki long haduh 772 ngut hynrei kiba ioh kam mynta ki dang long dang 290 ngut.
Phi don ban ong eiei?