Beh lyer malu mala lip ding: HNYF

Shillong,28 iaiong:
Ka HNYF Border Area South West Khasi Hills ka la pynpaw ka jingsngewkhia namar ka jinglip ding khah khah ha ki thaiñ Balat bad Ranikor. Ka kyrwoh khubor na u General Secretary katei ka seng u bah Innocent Jyrwa ka la ong ba tang shu slap bad beh lyer malu mala lah lip da ki taiew bad da ki bnai. Katei ka kyrwoh ka la ong ba ha manla u bnai ym pat don tang shisien ruh ba ki paidbah kin ioh ding baroh shi bnai lynter ha katei ka thaiñ.
Haba buh jingkyrpad ia ka MeECL ba ka dei ban shimkhia ban pynbiang ia ka bording katei ka seng ka la kynnoh ruh ba ka daw hi ka dei namar ka jingleh sting palat ki nongtrei ka MeECL kiba don ha Mawsynram ba katei ka thain ka ia kynduh kum kitei ki jingeh.