Shillong, 27 Iaiong:
Ki paidbah ka shnong Thawat ka West Jaintia Hills dist ki la pdiang ia ka jingshna ia ka IB cum residential complex ha ka jingpynsngew paidbah ba pynlong da ka Meghalaya Institute of Governance (MIG) kaba la ialam da u Officer on Special Duty (OSD) u Bah Iban Swer mynta ha ka jingialang kaba la long ha Community Hall ka shnong Pdengshakhap, WJH. Ha kane ka sngi la ïadon lang ruh ki trai jaka, ki nongshong shnong bad u rangbah shnong, u Ailang Surong. Ha kane ka jingpyn-sngewthuh paidbah na kaliang ki 10 ngut ki trai jaka bad ki paidbah ki la pdiang khlem kano kano ka jingujor da kumwei pat ia ka jingshna ia katei ka IB cum- residential complex da kaba ïa rah kti lang ban pynpaw ba kim don kano kano ka jingpyrshah.
U Bah Ivan Swer, hadien ba la ioh ia ka jingmynjur na ki paidbah u la ong ba ka MIG kan leit ban aiti noh ia ka kaiphod sha ka sorkar ba kan pynlait ia ka bai khyndew sha ki trai jaka kiba don kumba 10 ngut kiba shah ktah na ka jingshim jaka jong ka sorkar. U la ong ba da kane ka jingmynjur jong ki paidbah, ka sorkar kan pynsted noh ban pynlait ia ka pisa sha ki trai jaka kiba shah ktah.
Phi don ban ong eiei?