Kem khar Bangla ki BSF na Umsyiem

Shillong,27 Iaiong:
Ki shipai BSF kiba don ha Umsyiem ki la ioh kem ia uwei u khar Bangladesh katba u dang pyrshang ban ryngkang pud ban phet na India sha Bangladesh. Utei uba la shah kem u dei uba la tip kyrteng kum u Noor Miyan, 35 snem karta. Utei u dei na Uttarpratpur kaba hap hapoh Sylhet , na utei u briew ki la ioh kurup 827 tylli ki jingsop khyllung kiba shongdor T.4 lak tyngka. Ha kawei pat ka khubor, ki BSF kiba don ha ri Lum Garo ki la ioh ban kurup 195 tylli ki masi kiba shongdor T.18 lak tyngka eiei.