Pyntrei hi ka tnad ri dohkha ia ka iew bad kudam dohkha ha Nongpoh:CoRP

Shillong, 26 Iaiong:
Ka Confederation of Ri Bhoi People (CoRP) Central Body ka la ioh jingtip ba ka tnad Fishery ka la pyntrei hi ia ka iew dohkha cum godown jong ka ha shnong Saiden Nongpoh, Ri Bhoi District.
Halor kane ka CoRP lyngba u Genl Secretary Bah Friday Jalong ka pyrshah jur ia ka rukom treikam katei ka tnad kaba la pynduh noh ia ka hok ki contractor kiba la register na bynta ban ioh kam bylla ha katei ka tnad bad na ka liang seng ka suba jur ba ka lah ba don eiei ha lyndet jong katei ka kam.
Ula ong, ia katei ka iew la mang da ki klur tyngka lyngba ka jingbei pisa na ka National Fish Development Board bad ka la dep pyllait ia ka pisa haduh T.47 lak na bynta ban shna ia katei ka iew.
“Ka CoRP ka sngewkmen ba ka sorkar ka wanrah ia katei ka Iew dohkha, hynrei ka sngewlyngngoh kat katei ka kam kaba la kot da ki khlur tyngka la shu pyntrei sop sop khlem da pynbna paidbah ne khot tender pynban ka la pyntrei hi ha ka kyrteng departmental work bad pynduh ia ka hok ki contractor kiba la register na bynta ban ioh kam bylla”,u la ong.
Na ka liang ka seng ka la ioh jingtip ba ki don kiwei ruh ki projek ba ka tnad fishery ka jylla ka la pyntrei hi sha kiwei ki jaka bad ia kane ka seng kan sa bud dien.