Ioh Basa ki heh spah bad nongtrei sorkar ha Hat Balat

Shillong, 26 iaiong:
U General Secretary ka HNYF Border Area Circle u bah Innocent Jyrwa ha ka kyrwoh khubor ba la pyllait paidbah mynta ka sngi u la ong ba ka don ka jingthur mur ha ka rukom jied Vendors ha Hat Balat ha kaba ki Khasi ki jah kyrteng bad ki Khasi kiba don kyrteng mynta u snem dei tang na thaiñ Balat ym don kiba ioh na Balat katei ka kyrwoh ka la ong ruh ba la jied tang ia ki bar jylla, “Balei ym jied ia ki Khasi na Balat mynta u snem, balei ka Selection Committee ka khlem jied ia ki, ka dei ka iew ka nongrep hynrei kiba ioh dei ki heh spah bad ki nongtrei sorkar, tang 3 ne 4 ngut kiba dei hok ki nongrep ki ioh” ong ka kyrwoh khubor.
Ka HNYF ka kyrpad ia ki nongpyniaid khamtam eh ia u Chairman ka Selection Committee kumjuh ia u Syiem ka Hima Bhowal ban pynbeit noh kloi ia katei ka jingbakla.