Ka iakop dro bad airong, pynlong ka NAYC ha Marngar

Nongpoh, 26 Iaiong:
Kum ka dak ban kynmaw burom bad ha kajuh ruh ka por kaba long kum ka jingpynkhreh ban rakhe ia ka sngikha ba 100 snem ka Indira Gandhi, ka Nongpoh Assembly Youth Congress (NAYC), mynta ka sngi ka la pynlong da ka “Art Mela” jingiakop Dro dur bad Airong dur halor ka phang “Preservation of Environment and Wildlife” ha Marngar Lake, Ri Bhoi District.
Ha kane ka sngi, u President ka Shillong Lok Sabha Youth Congress, u Kyrshan Pamshong u la long kum u kongsan bad u Rajesh Lapang, President ka Ri Bhoi District Youth Congress President kum u symbud kongsan, ha ryngkat ka jingdonlang Pyndap Wahlang, President NAYC lem bad kiwei ba kynthup ia ki khynnah skul kiba la wan ban iashimbynta ha kane ka sngi.