Ia soh Congress u President barim ka GSU

Shillong, 24 iaiong:
Ka Meghalaya Pradesh Youth Congress mynta ka sngi ka la pynlong ia ka Executive Committee jong ka ha Congress Bhawan, Shillong. Ia katei ka jingialang la pyniaid da u President jong ka u Richard M Marak bad la wan ban shin bynta da ka Miss Sarifa Rahman IYC Secretary incharge bad kiwei pat ki nongkitkam.
Ha katei ka jingialang u President barim ka GSU Khasi Hills Zone u Saljrang G Momin u la wan ia soh sha ka seng Congress bad la thung ia u kum u Secretary ha ka State Committee, u MDC ka jowai u Andrew Shullai la thung kum u Secretary ha ka State Committee, u Phasmon Dkhar, MDC ka 22-Musniang Rngad Constituency, JHADC, la thung kum u Secretary State Committee. Ha katei ka jingialang la pynrem ruh ia ka jingkren u Dr.Himanta Biswa Sarma pyrsha ia ka sorkar Meghalaya bad ia ka seng Congress.