Pyllait beain ia ki kali kit dieng ha Moodymmai

Jowai, 23 Iaiong:
Ka seng All Hynniewtrep People United Front, ka lap ba ka ka ophis jong ka tnat khlaw ha Moodymmai, ka la pyllait beain ia ki kali kit lyntang beain khlem ki T.P lane challan. Ka seng ka la buh ia ka jingujor ha kane ka check point ia kawei kali khad ar shaka ba kit lyntang beain ha ka 21tarik mynta u bnai.
Kane ka kali ba kit lyntang kaba don ia u no. NL01N 7777, kaba mut ban shallan ia kine ki lyntang sha Gauhati, hynrei kaba phylla pat ba kane ka check point ka la kyntait ia kane ka jingujor bad u nongtrei uba peit ia kane ka jaka ap kali, u la ong ba kim lah ban peit ia ki kali kitdieng beain wat lada don kiba ujor ruh. Ka seng ka pynrem jur ia katei ka tnat khlaw jong ka Jowai division halor ka jinglehsting jong ka ban tehlakam ia ka jingshalan beain ia ki lyntang(sawn Timber) bad ka jingbunpalat ki karkhana ot dieng beain hapoh ka East bad West Jaintia Hills District. Kane ka pyni ba ka don kaei kare kaei sha lyndet jong kane ka kam beain.