Wat la pynthut u slap, shongkun ka Rongkusi ha Lamin

Amlarem, 23 Iaiong:
Ka Shnong Lamin kaba don hapoh ka Amlarem Sub-Division sa shisien biang ka la pynlong biang mynta ia ka Shad Rongkusi jong ki na kawei ka snem sha kawei ka snem ia kaba la juh pynlong man ka snem ha kine ki bnai.
Ia kane ka Rongkusi jong ka Shnong Lamin la wan ia don bynta lang na ka bynta ban sakhi lang da u MLA jong kane ka thain u Ma Stephenson Mukhim bad u Ex MLA ka kane ka thain u Ma Lahkmen Rymbui kiba la long kum ki kongsan ha kane ka sngi ha ryngkat ka jingdon lang u MDC ka War West u Ma Het Pohthmi, u MDC ka War Central u Holando Lamin,ki nongkitkam Shnong, ki riewrangbah bad ki paid nongshong shnong ki ba la wan ban sakhi lang ha kane ka Shad Rongkusi.
Haba ai ka jingkren jong jong ki katto katne ki Rangbah jong kane ka Shnong u la ong ba ka jing pynlong ia ka ne ka Shad Rongkusi na kawei ka por sha kawei ka por ka long kaba kongsan ka long kum shibynta ban pynneh pynsah ia ka dustur jong u longshuwa manshwa hyndai, da kaba batai ruh ka jingmut jong kane ka Shad Rongkusi kaba mut kaba dei ka Shad tamasa leh kmen leh sngewbha jong ki Shynrang bad khynthei ha ki por hyndai.
Ha ka jing kren pat na ka liang u MLA jong kane ka thain u Stephenson ha kane ka sngi u la ai ka jingiaroh nyngkong ia ki nongkitkam jong kane ka shnong kiba la lah biang ban pynlong biang ia kane ka Shad Rongkusi na kawei ka por sha kawei ka por layngba ka jongtrei shitom ka jong ki bad ka jingkit khlieh jong ki na ka bynta ban pynneh pynsah ia kiba u longshwa manshwa jong ngi u leh namar ba lyngba ka jing pynlong jong ki ia kane ka jingshad ka pynsahnam pynsah kynmaw ia ki long dien jong ngi na ka bynta ka pateng ka ban wan ,bad u la ong ruh ba na ka liang jong u kum MLA u long u ba la kloi na ia trei lang bad kano kano ka jingeh jong ka Shnong kat kaba u la synei ha kaba ia dei bad ka jing bha jong ka imlang sahlang .
Bad ha kane ka Shad Rongkusi la ioh ban ai jingkren lyngba u Ex MLA u Ma Lahkmen Rymbui, u MDC ka War West u Ma Het Pohthmi,u MDC ka War Central u Ma Holando Lamin, u Ma Hat Pohchen, Dolloi jong ka Elaka Nongtalang u Ma u C. Pohlynjar bad kiwei ki de ki Riewrangbah kiba la pashad lang ia ki jingkren jong ki.