Ba lynshop ka eriong, shisnem khlem ioh skul ki khynnah ha Umsaw

Mawkynrew, 21 Iaiong:
Ka KSU Mawkyn-rew Circle ha ka 19tarik mynta u bnai, ha ka jingialam u samla Vincent Makri Executive Member ka seng kmie u ba dei peit ia ka Eastern Central bad u President ka Mawkynrew Circle samla Michael Lawai bad ki dkhot ka seng, ki la leit jurip iaka wei ka skul haka shnong Umsaw war, ka Umsaw war LP Skul, kaba la shah ieh khuns wet ha ki bor ba dei peit naduh u snem 2016 jong u bnai iaiong hadien ba wan lynshop ka eriong kaba la pynjulor iaka tei ka skul. Ha kane ka jing leit jurip la lap ia ka jingeh bad i sangsot ba ki khynnah ki ia kynduh. Ki khynnah ki ba shong ha ki klass bapher bapher naduh ka klass A haduh klass 5 tang ban ioh iaka jingstad ki hap ban shong haka juh ka kamra klass naka daw ka jing bym don shuh ka iing skul ba pura.
Ha ka jingia kren bad ka wei ka nonghikai kaba dei ka khliehduh jong kane ka skul, ka kong Diliancy Suting, ka la iathuh ba mynta la shisnem naduh bajia kane ka jingjia, ka la leit ban mih ban pan jingiarap na ba bun ki bor ba dei peit haduh mynta ym shym la don satia ban wan peit ne jngoh bad ai jingiarap iaka tei ka skul. Kum ka nong hikai kala leit ban buh ki jingthoh ban pan ki lad jingiarap shu u MLA ka thain, ka ophis u BDO Mawkynrew, SSA bad sha ka ophis deputy inspector of school Shillong ban pan ki jingiarap hynrei tad haduh kane ka khyllipmat ba leit jurip ka seng ym don ba peit khmat iaki.
Kane ka la pynlong ia ki nonghikai ban kyrpad ia ka dorbar shnong bad pynlong skul ha iing dorbar shnong ban ai jinghikai iaki khynnah skul. Kane ka la wan rah shibun ki jingeh ia ki khynnah bad nonghikai. Namar ka jingkhapngiah jong ka kamra klas, ki nonghikai kim banse ban pynmih noh ia shi bynta ki khynnah shabar jong ka klass haba ki shim klas ia kiwei pat ki khynnah bad bteng biang pat iaki hadien bala dep iaki wei.
Naka liang ka seng u lyngba u samla Vincent Makri bad Michael Lawai ki pynpaw ka jingsngewsih bad kyndit iaka jingshah ieh khun swet kane ka skul ba pynrem ruh ia ki nong mihkhmat jong ka thain kiba la leh matlah bad ka seng, ka kyntu ruh ia ki nongmih khmat u MLA bad MDC jong ka thain ban peit iaka jingeh jong ki paidbah ha kine ki thain nongkyndong.