Pyllait u hep rit Class VI, ia u Class II, na ka jingngam jyllop

Mawryngkneng, 14 Iaiong:
Uwei u heprit, ula ioh ban pynlait im, ia uwei pat u hep rit bad katei ka dei ka kaba la jia hapoh Mawryngkneng Maw mang ha ka 25tarik Lber, 2017 ha ka por 10:15 mynstep sngi saitjain.
Utei u khynnah u ba 7 snem ka rta uba kyrteng u Roland Lawai katba u dang leit kai bad ki para khynnah sha ka jaka kaba la tip kum ka Wah Umnamlang kaba don kawei ka Check Dam kaba dang shu dep shna bad katba u dang iaid lyngba na kane ka jaka u la kum hap hapoh kane ka Check Dam bad ha kum kane ka por baroh ki briew, khamtam ki longkmie kiba dang ia saitjain ki la kyndit thret bad ia lynniar khlem nang ban leh ei ei shuh bad une u khynnah u la sdang ban ngam suki suki shapoh um.
Ha kane ka por, uwei u heprit u ba kyrteng Khrawboklang Kharlukhi ba dang 14 snem ka rta man syn iohi ia kane u la mareh bran bran bad u la kynthih plum khlem khein shuh ia ka jingim lajong bad khein duh ialade namar ka jingisynei ia une u heprit Roland Lawai bad kane ka jingshlur bad ka jingshynrang mynsiem jong u heprit Khrawboklang Kharlukhi, ka la pyllait im ia u heprit Roland Lawai ban lait na ka tmier ka jingiap. Na ka liang jong kiba haiing ha sem jong u heprit Roland Lawai kynthup ia ka kmie ka Kong Flabia Lawai bad u kpa Bah Bikostar Kharsati, ki la pynpaw ia ka jingsngew nguh bad ai khublei kaba khraw ia u heprit Khrawboklang Kharlukhi na ka bynta ka jinglen lade ka jongu.
Kine baroh ar ngut ki heprit kiba leit ha ka school St Francis De Sales Secondary School Mawryngkneng ha kaba u Roland Lawai u ba dang pule ha ka Class – II (Two) bad u Khrawboklang Kharlukhi ba dang pule ha ka Class – VI (Six).