Ki mat ilekshon ka BJP, ki la dep kren shai, ong U bah John

Shillong, 14 Iaiong:
Ka jingbthah jong ka Sorkar Kmie ba la ialam da ka seng BJP bad kiwei kiwei ki seng ha ka rynsan NDA ban pynlong ia ka Digital India Day ha ka sngi Good Friday ka long kaba bakla jur bad kaba khlem burom shuh ia kiwei ki jingngeit, ong ka kyrwoh na U Bah John Kharshiing Chairman ka Dorbar ki khlieh Nong synshar ki Hima Khasi Jaintia.
Ha kawei ka liang utei u rangbah, u ong ba kam dei shuh ban sngew phylla, namar haba pule bniah ia ki mat ilekshon ka BJP, ki long kiba shai bad kiba jngai bad kawei kaba na kitei ki mat ka thoh shai ba kane ka jingthmu ka thew ban pyndam ia ki jingiateh (Instrument of Accession) ba la soi bad mynjur hapdeng ka Jammu & Kashmir bad ka Dominion of India ha u snem 1947-48, kaba ithuh ia ka hok kyrpang jong ki nong Kashmir.
Hynrei ha long kaba lyngngoh namar ha u snem 1997, ka Federation of Khasi States hapoh ka jingialam u Bah John F Kharshiing, ki la ia kynduh ia U PB Archarya, Incharge, Five Border States, NE Region, BJP, ha Shillong ha ka jingiadon lang ryngkat u (late) Bah TH Rangad, MLA, (bam kwai ha duwar u blei), bad hadien katei ka jingiakynduh, la pynmih da utei u heh ka BJP ia ka phang, kaba ong ba ka BJP, kan bat bad burom ia ki jingiateh bad ki jingiasoi soskular bad ki nongsynshar Hima bad ka sorkar India, ha kitei ki phew snem bad ka sorkar India.
Ka Grand Council of Chiefs of Meghalaya, kynthup ka Federation of Khasi States, Sirdarship, Ka Dorbar ki Dolloi, bad Council of Nokmas ka la phah teng ia ka shithi pynkynmaw sha ka BJP Meghalaya, U President BJP,  naduh ka 22 tarik Iaiong 2015 bad dang shen la ai ruh ha kti jong u Narndra Modi, hynrei haduh mynta kam shym la ioh jubab eiei satia.