Ai jinghikai ka BJP ha Amlarem

Shillong, 10 Iaiong:
Ka BJP Youth wing Amlarem Mandal ka la pynlong ia ka prokram ai jinghikai shaphang ka Bhim App ka rukom thep pisa sei pisa da kaba pyndonkam lyngba ki Android phone ne smart phone khlem pyndonkam pisa ha kane ka sngi Saitjain ba la dep.
Kane ka dei kawei na ki polisi ba la wan rah da ka sorkar kmie hapoh ka nongialam u Myntri Rangbahduh ka ri u Narendra Modi kum kawei na ka lad ban pynsuk iaki paidbah haka liang ka iadie iathied bad ka shim ka ai pisa da ka buit stad mynta. Kane ka polisi ka dei kawei na ka buit ban khanglad iaka bamsap bampong.
Ha kane ka sngi ka BJYM ka la ai jinghikai iaki samla bad ki nongshong shnong ka thain Amlarem ha Emanuel Pohshna Hall Amlarem ha kaba u Samla Egenstar kurkalang u long kum u kongsan ban ai jinghikai bad la ioh jingkren na Bah Marki Mulieh MDC, u Bah Lam salanki Pariat State Secretary BJP Meghalaya bad kiwei.