Mynta  yn kut ka Shad Suk Mynsiem

Shillong, 09 Iaiong:
Ka Shad Suk Mynsiem ba lai sngi lynter ka Seng Khasi Kmie,  Mawkhar Shillong, kan kut lashai la 10 tarik Iaiong kaba la dang naduh mynta ka sngi Saitjain ka 8 tarik u Ïaiong 2017 ha lympung Shad Weiking,Jaiaw.
Kumba ka juh long ka sngi ba nyngkong kaba dei ka Sngi Nohkjat yn sdang shwa da ka jingtem ïa ka Ksing Lumpaid  ban tem ïaka haka por 12:30 mynsngi ha phyllaw jong ka Ïing Seng ha Mawkhar.
Ha ka por 2 baje  mynsngi yn sdang ïa prokram  da ka jingdwai kaban ai da u Rgh J.S. R Syiemlieh, kaba hadien kane kan don pat ka jingïaid kjat da ki nongshad shynrang ryngkat ki duhalia bad ki paidbah sha Lympung Weiking, Jaïaw
Haba la poi ha lympung kan don  ka nguh ka dem kaban pyndep da u Rgh Skor Jala, ban bud da ka jingkyntiew ïa ka lama jong ka Seng da u Wh N.R Shullai ba dei napoh ka Seiñ Raij Shillong.
Hadien ba la dep ban kyntiew ïa ka lama, yn sa sdang pat ka jingshad bad ha ka por 5:30 nohphai sngi yn khreh ban wanphai biang pat sha Ïing Seng, ha Mawkhar ia kaba yn sa pynkut da ka Shad Mastieh ha phyllaw jong ka Ïing Seng.