Shah kem u khynnah 14 snem, ba tuh 12 lak

Jowai, 4 Iaiong:
Uwei u khynnah ba dang 14 snem ka rta u la shah kem ha ki pulit ka Saitsama Outpost kaba hap hapoh ka jingpeit ka Jowai Police Station namar ka jingdonkti jong u ban tuh haduh 12 lak tyngka na ka iing jong ka kong Emidaplin Rymbai ha ka shnong Khanduli.
Utei u khynnah u la tuh ia katei ka pisa naduh ka 15 tarik Lber, hynrei katei ka longkmie ka la ong ha ka ejahar jong ka ba ka daw ka jingslem jong ka ban ujor sha ki pulit kadei namar ba u lok jong ka um don satia ha shnong bad khlem ka jingtip bad ka jingiasngewthuh bad la u lok kam lah ban rai marwei.
Na ka liang ki pulit mar synioh ia katei ka jingujor, ki la kem ia utei u khynnah bad la wanrah ia u ha khmat ka iing bishar bad ka iing bishar ka la phah noh ia u sha iing koidi khynnah (Juvenile Home) Shillong.