U Chairman kum u CEM ba shipor ka GHADC

Shillong, 31 Lber:
Ka tnad District Council Affairs jong ka sorkar jylla mynta ka sngi ka la hukum ia u Chairman ka Garo Hills Autonomous District Council (GHADC) ba un peit ma u kum u CEM ba shipor ka District Council kat bym pat lah ban pynlong ia ka elekshon CEM. Haba ia kren bad ki lad khubor u Boston Marak Chairman ka GHADC u la ong ba u la ioh hukum na ka sorkar ban peit shipor ia ka GHADC tad haduh ban da lap ban pynlong elekshon CEM bad utei un shimti ia katei ka kam naduh ka lah sngi u blei.
U Marak u la ia kynduh ia u myntri ka tnad DCA u bah Prestone Tynsong ban batai ia ka jinglong jingman ha GHADC hynrei u khlem ioh pat ban ia kynduh ia u Lat ka jylla naba u don ha ka jylla Assam. La iathuh ba kumba ju long ha District Council lada mih kano kano ka jingkhyllem EC u Lat u ju pynbna ia uwei napdeng ki MDC kum u nongpeit ba shipor.