Hukum ka Supreme Court ia ki pulit, ban Xerox ia ki kot CMJ

Shillong, 6 Nailar:
Ka Supreme Court of India, ha ka jingshong bishar jongka, ha ka 2tarik Nailar 2013, ka la shim ia ka rai ba U Superintendent of Police, Shillong, un phah ia u ophisar jongu, uba ha ka kyrdan Deputy Superintendent of Police, ha ryngkat bad ki arngut ki briew jong ka CMJ University, ba kin leit sha ka ophis ba heh duh jong ka University, ba kin shim ia ki Xerox copy jong ki kot ki sla bad ban leit rah ha ka kashari ha ka 22tarik Nailar 2013.
Ha katei ka jingbi shar, la bthah ruh ia ka ophis jong U Lat, ba kan pyni ia ki kot ki sla, kiba paka, halor katei kajuh ka phang jong ka jingiadei bad ka jingthung ia U Chancellor jong ka CMJ University.
Ka rai jong ka Supreme Court, ka dei halor ka dorkhas kaba la leit rah da U DrAbhishek Manu Singhvi, uba dei u riew said jong U CM Jha, ha kaba iadei bad ka jingshisha ha kaba la thung ia U Jha, kum U Chancellor jong katei ka University.