Ka Kong Agnes Khar shiing ka president ka CSWO ka la ia pyni nia mynta ka sngi bad ki briew ka sorkar kiba wan ban surbe ia ka jaka ban shna surok ha Shillong Thymmai.
Ka sorkar jylla ha kane ka sngi Hatmajai ka la phah briew kyrkieh ban surbe na ka bynta ban shna surok ba heh 40 phut ha Shillong Thymmai.
Ka Kong Agnes ka la iathuh, ba la pyrshah shuh ia kane ka jingleh ka sorkar da ka lynti kaba hak dak khlem da sngap shuh ia ka jingud jong ki paidbah. “Ngi pyrshah ia kane ka jingleh ka sorkar ban shna ia ka surok ba 40 meter haba la don lypa ka surok kaba rim”, la ong ka Kong Agnes.
Ka la ong ba ka leit sha katei ka jaka hadien ba la ioh jingtip ba wan ki briew sorkar ban surbe kiba pynlong ruh ia ka jingthew jingwoh ha ka thain Mawdiangdiang.
Ia kane ka jingsurbe la pynlong da ki briew na ka New Shillong Township Development Agency (NSTDA), Urban Affairs, Revenue bad ka Forest department.
Ka kong Agnes ka la ujor ba shibun bah ki shnong ha katei ka thain kiba kwah surok kim pat ioh namar ba ka sorkar kam don pisa. Ka la ong ba ka sorkar ka pynlut pisa da ki klur ia kiwei ki kam bym ler kam ei ei.
Ka jingthmu ban thaw ia ka Shillong Thymmai ka dei tang ka jingbeh shnong ia ki trai jaka bad ban buh biang ia kiwei ki bym dei trai jaka bad kane ka dei ka jingthmu jong ka sorkar.
Kham mynshwa, ki sengbhalang ki la dawa ba ka sorkar ka dei ban sangeh noh ia ka jingshim jaka ha Shillong Thymmai, ban weng noh ia ka ai jaka sha ki babu sorkar ne ka Civil Services Officers Housing Co-operative Society ba la die tan T. 1 shi sq ft.
Phi don ban ong eiei?