Leh mynleh ki pulit, kumba don bom ha Don Bosco Square

Shillong,6 Nailar:
Ki pulit ka jylla myn ta ka sngi ki la pynlong ia ka jinghikai ban tip katno ka jingsted jong ki ban iada ia ki paidbah na ka jingma jong ka jingbthei bom. Ki pulit ki la pynlong ia katei ka jingjia, kaba shu leh mynleh (Mock Drill) mynta ka nohsngi ha Don Bosco Square, ban peit haduh katno ki sted ban weng ia ka jingma jong ka jingpynbthei bom ha shuwa ba u bom un bthei. “Ngi pynlong ia ka Mock Drill ban peit haduh katno ka jingsted jong ki pulit ban iada ia ki paidbah shuwa ban jia ki jingbthei bom” ong u Superitendent of Police East Khasi Hills u Bah M.Kharkrang.U SPu la ong ba ki paidbah ki dei ban ai ka jingiatrei lang ha ki ba kum kitei ki jingjia bad ki pulit.
Katei ka jinghikai ba ka tnad pulit ka la pynlong mynta ka janmiet ka la wanrah ka jingartatien hapdeng u paidbah u bym shym la tip ba ka dei tang ka jingai jinghikai, hynrei namar ka jingiohi ba ki pulit ki la leh ha kata ka rukom kumba dei ba don bom ki la nang tharai ba don ba buh bom ha katei ka jaka.