Ba sahkut ka MHIS, hiar Delhi ka myntri Jylla

Shillong, 27 Lber:
Ka kong Roshan Warjri, myntri ka koit ka khiah ka sorkar Jylla, ka la ia kynduh ia u myntri ka koit ka khiah ka sorkar India, U JP Nadda, mynta ka sngi ha ka ophis treikam jongu ha New Delhi, ha kaba ka la pynpaw ia ka jingdonkam kyrkieh ba ka sorkar India, kan mynjur noh ia ka Megha Health Insurance Scheme (MHIS). U myntri ka koit ka khiah, ka sorkar India, u la kular ha ka kong Warjri, ba un peit kham kloi noh ia katei ka wah. Ka myntri ka pynpaw ruh ia ka jingdonkam ban don ka Amrit Pharmacy ha Shillong Civil Hospital, Shillong bad ban buh noh ia ka jaka sumar, ia kiba mynsaw jur ha Civil Hospital, Shillong bad ha Tura Hospital ruh kumjuh.