Man ka sngi ki Hotel ki dei ban pyni ia ka jingwan sah briew: Pulit

Shillong, 26 Lber:
Ha ka 24 tarik mynta u bnai ka la don ka jingialang hapdeng ki pulit bad ki trai Hotel jong ka nongbah Shillong ban ia kren halor ka jingkiew ka kam khaii met bad ki kam ia shonglok be-aiñ. Ha katei ka jingialang la ia kren ba donkam ban pyndait ia ki CCTV Camera kiba khlaiñ, ban pynbiang ia ki rikod jong ki briew kiba sah ha ka hotel bad ban pan ia ka identity card jong ki, ban pyni man ka sngi sha ki pulit ia ka rikod ba ki briew ki wan sah, ban pynbiang ia ki jingtip shaphang ki nongtrei Hotel sha ki pulit, ki trai Hotel ki dei ban pynthikna ba kan ym don ka kam khaii met hapoh Hotel jong ki.
U Inspector M.N Khan Officer In-charge, Laitumkhrah P.S u la pynsngew sha ki trai Hotel ia ki kyndon pyniaid jong ki , u Shri K. Prasad, MPS. Dy. Superintendent of Police (Hqr), East Khasi Hills, Shillong ruh u la batai ia ki kumno ban pyniaid khnang ba kan long kaba shngaiñ bad ka ban lait na ki kam awria.
Na ka liang ki trai Hotel la kren da u Shri Paramvir Singh uba kular ban ia treilang bad ki pulit kumba la batai. Ki la don haduh 112 ngut ki trai kiba la wan na ki 112 tylli ki Hotel kiba ia shim bynta ha katei ka jingialang kaba la donlang ruh u Superintendent of Police, East Khasi Hills, Shillong u Shri Davis N R. Marak, IPS.