“Ki trok ba iaid ha khyrdop khajna la rekod da ka kti”

Shillong, 24 Lber:
U Myntri tnad lum khajna ka jylla u Zenith M Sangma u la pyntip mynta ka sngi, hapoh ka iing dorbar ba ia ki trok ba iaid ha surok la buh rekod da ki nongtrei ka tnat lum khajna da ka kti, namar ba ka sorkar kam pat pyntreikam da ka kor computer.
Haba jubab ia ka jingkylli mynta ka sngi hapoh ka iing dorbar ba la wanrah da ka MLA ka Dikkanchi Shira, u Zenith u la ong ba ka tnad mynta ka dang pynkhreh ban pyndonkam noh da ki kor computer ia ki trok kiba iaid khnang ban pynjanai ia ka rukom lum khajna ka sorkar. U myntri u la ai jingkhein ruh ia ki trok kiba iaid naduh u snem 2014 haduh 2017, ha ki khyrdop bapher bapher kynthup ka Byrnihat 2,94,522 tylli, na Athiabari 18,652 tylli, na Umkiang 26,765 tylli, bad na Dainaduba ka long 1,58,334 tylli ki trok kiba iaid.
U myntri u la pyntip ruh ha iing dorbar ba ka sorkar ka ioh khajna ka long ha u snem 2014-15, ka ioh T.24,85,87,632, ha u snem 2015-16 ka ioh T.7,10,30,21 bad ha u snem 2016-17 ka ioh T. 2,70,75,622.