Kandidet Congress Mawshynrut, ia U bah Robert Edwington Dkhar

Nongstoiñ, 23 Lber:
Ka Mawshynrut Block Congress Committee West Khasi Hills, ha ka General Meeting kaba la long ha ka 10 tarik mynta u bnai ka la iatai sani bha halor ki kam ki jam jong ka party bad khamtam ha kaba iadei bad ka election 2018 bad ha katei ka jingialang da kawei ka jingmut, ki la ia rai ban phah ia ka kyrteng jong u Robert Edwington Dkhar kum u kyrtong ha katei ka election. Katei ka jingialang kala shim ruh ia ka rai ban phah tang u wei kandidet na ka party kata hadien ka jingpynpaw ia kiba nud ba ia ai reng bad ha katei ka jingialang baroh kila I bit bad iahun lang ia u bah Robert Edwington Dkhar u ba dei ruh artad u Vice President jong ka West Khasi Hills DCC ban long kum u kyrtong na katei ka party.
Kum ban shu pynkynmaw ba ha ki por ba la dep ka ju don beit ka jingiaknieh ia ka tiket na ka party congress hynrei mynta ka kynti katei ka jingialang da kawei ka jingmut kala shim ia ka rai ban phah tang kawei ka kyrteng shi ki bor ba halor kata sha ka DCC bad MPCC bad lada yn dang mih kandidet biang nalor u tei u bala ia jied bad iahun lang ha katei ka jingialang ka party kan nym ai ia ka jingkyrshan.
Na ka liang jong u President ka MBCC u bah Srally Rashir u la kyntu ia baroh ki nongtrei jong ka party ba kin ia tylli kawei bad ban nym don kano kano ka jingiasngewpher jingmut bad lada don ki jingbym shai ha kano kano ka bynta dei ban iakynduh ia ki heh jong ka party hapoh Konstitwensi.