Kyntait u trai hotel Lad Rymbai

Shillong, 23 Lber:
Hadien ka jingmih khubor ba U General Secretary ka EJNC, u thmu ban rahbor ia uwei u bar jylla uba dei ruh u trai jong kawei ka hotel kaba don hapoh Lad-Rymbai, kuma na ka liang jong ka EJNC-Central Council,ryngkat ka jing synran lang jong ki nongialam jong ka HANM-EJH, HNYF-EJZ, HYC-WJC, WJNC ki la leit ban ia kynduh ia u trai hotel, ban lap ia ka jingshisha bad na ka liang jong utei u trai hotel ula iathuh ba ha ka miet jong ka 19tarik jong une bnai; ki la don arngut ki briew kiba rung hapoh ka hotel jong u da kaba thmu ban bamja, hynrei ha katei por ka la mih ka jing bym ia sngewthuh jingmut hapdeng jong u bad ki dkhot jong ka seng ha kaba na ka liang jong ki ki la shoh lah bom ia u bad ki la leit noh khlem da don kano kano ka jingthmu ban rahbor ia utei u trai hotel.
Haba pyrshang pat ban wad ia ka jingshisha ia ka daw jong ka jing bym ia sngewthuh jing mut hapdeng jong kine ki ar liang, u samla S. Lyngdoh, G.S EJNC, ula iathuh ba dei ka jing bym nang jong une u bar jylla ban burom, ha ka kren ka khana kaba la pynlong ia ki ban jrong kti ia utei u bar jylla.
Kaba pynlyngngoh ia ka seng ka long ba balei kita ki Nongialam Shnong jong ka Lad-Rymbai (datsympein) bad ka trai jaka ki pyndonkam ia kata ka ktien ‘Thmu ban Rahbor’ ha ka jing ujor jong ki, khlem da pyrkhat ba kane ka jingleh jong ki ka ktah iaka burom ijot jong ki khun samla ka District, namar ban pharep ka suk, hynrei ban pynshisha pat ka jynjar, kumta la kyntu ia ki nong ujor ba kin wad shwa ia ka jing shisha shwa ba kin iaid shakhmat.
Ha kajuh ka por ruh ka EJNC-CC ka pyntip paitbah ba ka seng naduh ba pynmih ia kane ka khubor ka seng kam don jing iadei shuh bad u Philip J Bamon uba ju long u nong ai buit ka seng, ong ka kyrwoh na U bah Bah Shanbok Syad, President EJNC-CC.