Hadien 18snem, pynim biang ka Nongtalang ia ka Theatre

Amlarem, 23 Lber:
Ka Nongtalang Amlariang bahap hapoh Amlarem Sub-Division Hadien 18snem eiei ka la pynlong biang mynta ka sngi ia ka Theatre (Dra-ma) ia kaba u longshuwa na kane Shnong u juh pynlong ia kane ka jait drama.
Bad Ia kane ka Theatre la wan plie da u MLA jong kane ka Thain u Ma Stephenson Mukhim kum u kongsan ha kane ka sngi, u Ma Holando Lamin kum u synbud kongsan, ki nongkitkam jong kane ka Shnong bad ki paid bah ki ba la ia wan Ban ia sakhi lang .
Ha ka jing kren jong u Ma Hat Pohchen uwei na ki riew Rangbah jong kane ka Shnong, u la ong ba ha ki por mynshwa ki briew na kane ka Shnong ki juh pynlong ia kane ka drama kaba kum shibynta ban pynbyrngia ia bad ban ym ialam ia u briew sha ki kam ba sniew kum ha ka dih ka bam ka ba pynbuaid, namar ba ia u briew u ba dih kin ym shah ia u ba un iashim bynta ha drama, namar ba ha shuwa ba kin pynlong ia kane ka drama kin hap ban pynlut ia por jong da ki taiew bad ki bnai bad u la ong shuh shuh ruh ba ki por ba u dang samla u dei uwei na ki actress ha kito ki por namar ba u shynrang ha ka Theatre u hap ban long kynthei bad ka kynthei pat kan hap long shynrang.
Bad ha ka jing kren pat u kongsan ha kane ka sngi plie, u la ai ka jingiaroh nyngkong ia ki Rangbah na kane ka Shnong ia ka jing kylla thiah kylla dem jong ki na ka bynta ban pynim biang ia kaei kaba u longshuwa manshuwa u la leh kaba long kum shibynta na ka ban pynbyrngia bad ban ia iada ruh ia kiei kiei ki kam ba sniew kum ki riew Rangbah na kane ka Shnong ki la ia thuh bad u la ong ka jing pynlong ia kane ka Theatre kaba kum shi bynta ban iai pynsah ia ki khana jong ki long dien, na kawei ka por sha kawei pat bad u lah ong shuh shuh ruh ba na ka liang jong u kum u MLA un iai pynnoh ia ka kti ka mon ka kti ka diang na ka bynta ki jing bha ka Shnong ka thaw ha ka imlang ka sahlang kat ka lah kot ka bor na ka bynta jong ka jing bha jong u paid bah.
Ki kyrteng jong ki ar tylli ki drama ha kane por kawei la ai kyrteng “Ti Pyrthai ah I Ryum be in kom to be sia ” ia kaba la shna da u CM Pohrmen bad kawei pat la Ai kyrteng “Deman Baklaye ” ia kaba la thaw da u L.Myrchiang.