Ka sngi “ba iong” ki doktor NEIGHRIMS

Shillong, 22 Lber:
Kum ka dak jong ka jingsngewlem halor ka jingshah shoh ki doktor, ha kiba ha iing jong ki nongpang ha Maharash-tra, ha ki khyndiat sngi ba ladep, ki doktor jong ka NEIGRIHMS mynta ka sngi, ha ka lama jong ka NEIGRIHMS Residents Doctors Association (NRDA), ki pynlong mynta ka sngi, kum ka sngi ba iong bad ba ki leit trei, da kaba deng da ki jain iong.
“Ka dei kane ka lynti ban pynpaw ia ka jingsngewlem ia ki doktor, kiba la shah shoh ha kiba ha iing jong ki nongpang, khlem don daw eiei” ong U Dr Ete Tony, President jong ka NRDA. La iathuh ruh, ba ha ki ar taiew ba ladep, ki la don bun ki jingshah ktah kti jong ki doktor bad katei ka long, kaba ima shibun eh, ong shuh U Dr Tony. Ki doktor, ki trei haduh 100 kynta ha ka shi taiew bad kane ka jingleh tohmet ia ki, ka long kaba sngewsih jur shibun eh, ong U Dr Tony. Ki doktor ki pyrshah ruh ia ka rai jong ka Bombay High Court, ha kaba ka ia nujor ia ki doktor, ba ki dei ban long kum ki nongtrei karkhana bad katei ka dei ka rai, kaba ki sngew pyrshah jur.