Shillong,5 Nailar:
Hadien ka jingjia kynnoh men ai ksuid kaba la jia ha ka shnong Mawting, Sohryngkham Police Out Post ha kaba uwei u rangbah uba la tip kyrteng kum u Halorsing Kharumnuid u la shah pynbam eit ksew ha ki ba haing jong u, u SP ka Crime Bah Vivek Syiem, u la ong ba nangne sha khmat ki bor shnong lane kino kino ki riew paidbah ki dei ban ujor sha ki pulit lada ki suba men-ai ksuid iano iano ym ban shim ia ka bor halade ban pynshitom khnang ba ki pulit kin ioh tohkit bniah shaphang uta u briew.
Ki hynniew ngut kiba la shah kem mynta ki don ha kti ki pulit na ka bynta ka jingtohkit ki dei kiba la tip kyrteng kum u Broswel Pyngrope , Elbinus Mylliemngap ,Sanil Mylliemngap, Rani Kharumnuid, kong Mildret Kharumnuid, Khrawbor Kharumnuid , Johny Kharumnuid .
Lah ban pynkynmaw ba ki pulit ka Sohryngkham bad ka Madanrting ki la kem ia kitei ki 7 ngut hadien ka jingujor ba la ioh pdiang ba ha ka 30 tarik kitei ki 7 ngut ki la set ia u Bah Halor bad ki la pynshitom ruh ia u. la kitei kiba la shah kem la rejistar case bad la pynngat katkum ki kyndon ain.
Shuh shuh u SP u la ong ba utei u briew u dei uba don ha pdeng ka jingpang ring.
Phi don ban ong eiei?