“Dei ban pynkhlain ia ka rep ha nongkyndong”

Mairang, 21 Lber:
Ka seng Tulba kaba la ju tip kum ka wei ka seng ki nongniah thuk thuk, ha ka sngi saitjain jong ka taiew ki la leit hiar sha ka shnong Tengri West Khasi Hills District, ban pynlong ia ka programe halor ka rep ka riang, ha kane ka program halor ka rep ka riang la ioh ruh ban ai jingpynsngew-thuh ia ki paidbah ha kane ka shnong.
U president ka TULBA u bah Seibor L. Nonglait haba ai jingkren ha kren ha kane ka sngi u la ong, “Ka jingthmu ba kongsan eh bad ka thong jong kane ka jinghikai, ka long ban kyntiew ia ki nongrep ha ka kam rep kam riang ym tang ha ki kam rep hynrei ka kam ri jingri ruh kumjuh, kaba kongsan eh ha Ri India hi ka dei ka ban pynkhlain ia ki kam rep”.
“Ngi wan hangne ban shim bynta lang ban iarap lem ia phi ban plie lynti , ban ai jinghikai , ai jingmut bad pynshai haba ia dei bad ki scheme bapher ba pher, ha ka jylla jong ngi, ngi don ia ki tnad kum ka agriculture, horticulture, Cr&d block, Veterinary, ICAR, NABARD bad kiwei.Na kine ki tnad lah ban ioh ki jingiarap bapher bapher haba ia dei bad ka kam rep bad ka ri jingri” ong u bah Seibor. Kawei pat ka jingeh ka long ka jingkyrduh kam bad jingbym iohkam iohjam ha ki thain nongkyndong kaba pynlong ia ki paidbah na ki nongkyndong ban kiew ban wad kam katba ioh ha sor.
Une u President u la ong ruh “Na ka liang jong ka sorkar pdeng bad sorkar jylla ruh ki pynshlur ki pynmih bun jait ki skhim bad ka ai jingiarap ban thied ki mashin na ka bynta ki nongrep. Ka la dei ka por ba ngin shim ia ka kabu jong ka jingstad kum ka juk mynta khnang ba ngin lah ban pynkhlain ia ka rep ka riang.Kumba phi ïohi mynta ka jinghiran ka pyrthei mynta jingkyrduh kam bad ka jingkhang pom dieng , tih shyiap, tih mawria, tih mawshun, tih dewïong ka la ktah jur ia ki briew ka Meghalaya ha ka ioh ka kot. Kumta ngi dei ban phaikhmat ban ialeh katba lah ban pynkhlain ia ka kam rep, khamtam ka jylla Meghalya bun ki mar bam ka dang ap na shabar ia ki jing don kam ba manla ka sngi, kum u khaw, ka shini bad kiwei kiwei”.
Ha kane ka sngi ia ka programe la pyniaid da u vice president bah Splendour sawkmie, ha kane ka sngi la iadon lang ruh ka kong F.M. Lakiang BDO Mairang,H.D Tallang scienctist ICAR Utpal Bezbaruah District Development Maneger West bad South West Khasi Hill District.