Ioh Sanad ar ngut ki Dolloi

Jowai, 20 Lber:
U CEM ka JHADC u ma Thombor Shiwat mynta ka sngi ha ka jingialang lyngkot ha kamra trei kam jong u, u la aiti ia ka Sanad sha ki ar ngut ki dolloi kiba dang jop thymmai ha ka election Dolloi ba ladep.
Kitei ki ar ngut ki Dolloi kiba la ioh pdiang ia ka Sanad mynta ka sngi ki kynthup ia u ma Puramon Kynjin bad u ma Phrangki Rynjah, U Dolloi ka Jowai Elaka bad u Dolloi ka Muskut Elaka. Na ka liang u CEM u la kyntu ia kitei ki Dolloi ban bat la ka akor ka burom ha ka jingtreikam jong ki kum ki Dolloi da kaba burom ia ki ain bad ki kyndon jong ka District Council.