“Khaii mawshun tang ka Komorrah bad ka Lafarge sha Bangladesh”

Shillong, 19 Lber:

Ka jing khaii mawshun kaba dang iaid mynta, ka long kaba la leh, da ki ar tylli ki kompeni bad kitei ki long ka Komorrah Limestone Mining Company Limited, kaba don ka ophis heh duh jongka ha Kolkata bad nangta sa kawei pat ka dei ka Lafarge, Umiam, kaba ka ophis jongka, ka dei na Dhaka, Bangladesh; ong ka kyrwoh na U bah Stodar Dkhar, uba dei uwei na ki nongkhaii mawshun. U bah Stodar, u ong ba kaba sngewsih, ka long ba ki trai shnong ka Jylla, kim ioh lad shuh ban trei bad ban shalan mawshun sha Bangladesh.

Ha ki khyndiat sngi ba ladep, u Myntri u la kular bad pynshngain ia kine ki rangbah ba yn ai ia ka hukum ban pynkhuid noh ia u mawshun ba la lum Iypa bad ban shah noh ban trei bad ban shalan ia U Mawshun. “Hynrei kaba sngewsih kthang mynta ka long ba kita ki jingkular kim shym la seisoh bad urlong haduh mynta mynne bad ba ka jingtrei bad shalan Mawshun, ka long tang da kitei ki ar-tylli ki Company Dkhar bad ym da ki Paid Riewlum ka jylla Meghalaya” ong shuh ka kyrwoh.