Ym don kot 500 & 100 ka UBI

Nongstoiñ, 15 Lber:

Ka jingbym lah jong ka United Bank of India Shallang Branch, (UBI) ban pynbiang ia ki pisa khutia kum ia ki lut 500 bad 100, ka la pynlong ia ki paidbah jong katei ka thain ban mad bad iakynduh jingeh ha kiba bun ki liang.

Ki katto katne ngut ki paidbah katei ka thain kiba don Account ha katei ka Bank, haba iakren bad ki katto katne ki nongthoh khubor, ki la ong ba ka jingbym lah jong katei ka bank ban pynbiang ia ki pisa khutia ka la pynlam wir ia ki paitbah ka thain Shallang, kaba la pynjynjar ha ka thied ka ka pet bad ki wei ki wei .

Nalor katei ka jingbym biang pisa khutia katei ka Bank ka dang don ruh ia shibun ki wei pat ki jingdkoh trei kham kum ha ka jing bymtikna ki kor ki bor hapoh jong katei ka Bank kaba la pynlong shuh shuh ia ki paidbah jong katei ka thain ban nang ia kynduh shibun ki jingeh la pynpaw da u bah Robert Sohbar u wei na ki riew rangbah jong katei ka thain.

U bah Sohbar ha ryngkat ki paidbah jong katei ka thain kila kyntu ia katei ka bank ba ka dei ban ialeh la kumno kumno ba kan pynbiang ia ki pisa 500 bad 100 bad ki wei ki wei ki jingdon kam khnang ba kan long ka jingsuk bad jingmyntoi ia ki paitbah.