Kurup ki pulit Amlarem 11 tylli ki masi

Jowai, 15 Lber:

Mynhynnin ka miet ki pulit ka Amlarem hapoh ka jingialam u OC bah W Suting, ki la ioh ban kurup haduh 11 tylli ki masi na kawei ka jaka shwa ban poi Muktapur bad kitei ki masi kidei kiba la thmu ban shallan be-ain sha Bangladesh lyngba ka thain Muktapur.

U SP ka WJH u la iathuh ba ka jingioh kurup ia kitei ki masi ka long ha ka por ba ka kynhun pulit hapoh ka jingialam u OC ka Amlarem ki dang iaid pahara sha katei ka thain.

La iathuh ba ki nongbeh ia kitei ki masi mar syn iohi ia ki pulit ki la phet noh. Ia kitei ki masi kiba la ioh kurup yn aiti sha ka tnad Custom na ka bynta ban leh ia kaba donkam.