Twa ka dam Myntdu na u slap bym poi pyrkhat, ong u Myntri

Shillong, 10 Lber:
U Myntri ka tnad sam ding ka jylla u Bah Sniawbhalang Dhar, u la ong ba ka dam pynmih bording ka MeECL ka Myntdu Leshka Project ka la twa kynsan ha ka 22tarik Rymphang namar ka jingwan u slap bym poi pyrkhat.
U la pyntip ia kane hapoh ka iing dorbar mynta ka sngi halor ka jingkylli ba la wanrah da u MLA ka Nongthymmai u Dr Jemino Mawthoh uba kylli la ka don ne em ka jingduh kaba jur na kane ka jingtwa.
“Ka jingjulor na kane ka jingtwa ym pat lah ban tip namar ba ki bor ba dei peit ki dang leit jurip ia kane ka jaka bad shen yn sa tip ia ka dor jong ka jingjulor”, la ong u Myntri.
U la ong ba ka jingtwa ka dam kam dei kaba jubor, namar ba ka dei tang ka jingkiew kynsan ka um na ka jinghap u slap ha katei ka sngi ka long hapdeng 170 haduh 300 mm.