Ai khublei ka Balang Mihmyntdu

Jowai, 10 Lber:
Ka Balang Presbyterian Mihmyntdu, lyngba u Secretary Balang jong ka, u Tymmen Basan D Passah ka la ai khublei kyrpang ia baroh ki paid riew ngeit kiba la wan poi sha ka jingiaseng ha katei ka Balang kaba la long ha kane ka Sngi U Blei ba la lah.
“Ngi ai khublei ia ka Dorbar Shnong Mihmyn-tdu, ia ka Balang Catholic Mihmyntdu bad ia ki tnad sorkar bapher bapher naduh ka tnad PWD, PHE, ka tnad Health Department, MeECL bad kumjuh ia ka Soil and Water Conservation bad ruh ia ka tnad Forest kiba la iarap ia ngi kum ka balang ban pynlong ia ka jingiaseng Synod Samla kaba jop”, la ong u kyrwoh na ka Balang.
Ha kajuh ka por ka Balang ka ai khublei kyrpang ruh ia ki Pulit ka Jowai bad West Jaintia Hills kiba la trei shitom naduh dang step naduh ban da miet ban pyniaid ryntih ia ki kali kiba la wanpoi sha katei ka jingiaseng.
“Ngin duwai ba U Blei un kyrkhu ia phi baroh”, la pynkut u kyrwoh khubor na ka Balang.