Ngam don tang ka suloi ruh, kumno ngan byrngem siat, ong U MLA

Shillong, 10 Lber:
“Ngam don tang ka suloi ruh, kumno ngan pynap bad byrngem siat ia u” ong U Sengam N Marak, MLA ka Rongjeng Constituency, East Garo Hills, haba iakren bad U Rupang mynta ka miet da ka mobile.
“Ngi ia shong jingialang ha ka jaka sahmiet ha Rongjeng bad ha katei ka por, nga don bad 3ngut ki paralok jongnga bad nga khot ia uwei u doktor, uba na Assam, namar ba u dei u bym don kot don sla, kiba biang, kiba pyni ba u dei shisha u doktor” ong shuh U Marak. “Hadien ba um lah ban pyni, la ki kot ki sla, kumta nga la khot ia ki pulit ba kin kylli bniah shaphang jong utei u doktor” ong shuh U Sengam.
“Nga lyngngoh, ba hadien ba nga la mih na ka jaka sahmiet ha Rongjeng, ha ka por 10baje eiei mynstep, nga ioh jingtip, ba la ujor pyrshah ianga ha ki pulit. Hynrei nga ruh, ynda nga la wan phai sha Shillong, nga la ujor kylla pyrshah ia utei u doktor” ong shuh U MLA.
Ha kawei pat ka khubor, na ka liang U Dr.Sandipani Malla Bujar Baruah u la ujor sha ki pulit ba ha ka 5 tarik mynta u bnai ha ka por shiteng synnia u MLA ka Rongjeng u Sengnam N Marak ryngkat ki paralok jong u, ki la khot ia u ha kawei ka kamra kaba don marjan bad ka IB PWD ha Rongjeng, East Garo Hills. U la ujor ba u MLA ryngkat ki paralok jong u ki la shongshit kyiad bad ki la phah sah jubor ia u ryngkat bad ki ha katei ka kamra bad khlem daw ki la pynshitom bein ia u haduh ka por 3:30 baje mynstep bad katba kiwei pat ki dang pynshitom u MLA ka Rongjeng. u nang pynap da ka suloi