Khohreh jaka talasi mynder ka KSU Jaiñtia

Jowai, 9 Lber:
Ka KSU Jaintia Hills Dist Unit mynta ka sngi, ka la leit buh ia ka dorkhas ha u DC East Jaintia Hills ha ka jingiadei ban shna noh ia ka jaka talasi mynder ha Malidor bad ha kiwei de ki jaka ba la dep jurip, na ka bynta ban khanglad ia ka jingrung jingmih ki mynder sha kane ka bri u hynniew trep.
Ka jingthmu ban shna ia kane ka khyrdop ka la sah teng haduh mynta kaba hap hapoh East Jaintia Hills District namar ka jingthmu ban buh ia ki jaka talasi mynder, la dep ban mynjur da ka sorkar Jylla naduh ki snem ba la dep, hynrei ha East Jaintia Hills ka kam ka dang sah teng sah ha duh mynta.
Ka seng ka la bthah ruh ia ka District ba la dei ban thaw noh ia ka District Tast Force kumba la dep pyn kylla ha ka Meghalaya Act No.6 of 2016 clause 5 (1) of Meghalaya Residents Safety and security Act,2016 hapoh u ne u snem. Na ka liang jong DC ruh u la kular ban shim khia halor kine ki mat jingdawa, namar ba ki long ki jingdawa ba dei hok ban leh.