Kali leit iaseng, wat thep khapngiah, maham ki pulit

Shillong, 8 Lber:
Ki pulit jong ka nongbah Shillong, ki la pyntip ba kito kiba leit jingiaseng Synod Sepngi ha Mawlai Umshing, ha ka 12tarik Lber 2017, kim dei ban ia kit palat pud ha ki kali leit jingiaseng bad ba kim dei ruh ban shong jingiaseng, ha jrong prah jong ki trok. Ki pulit, kin nym shah ba kiba kum kitei ki kali, na ka bynta ka jingsuk ka leit ka wan ia baroh, ong ka khubor na U Bah M Kharkrang, Superintendent of Police, East Khasi Hills.
Lah ban pynkynmaw, ba dang ar taiew mynshwa, kawei ka trok, ka la kylla ha ka lynti leit jingiaseng Synod sha Nonglang, ha kaba ka la kit briew kumba 70ngut tam eiei bad kaba la pyniap ia 19ngut ki briew haduh mynta bad sa bun kiba dang mynsaw jur ha Hospital.