Thoh ka KHNAM sha u CEM bym biang jingkhein ka District Council

Shillong, 6 Lber:
Ka KHNAM State Youth Wing kala wad jingtip lymba ka ain wad jingtip paidbah, halor ka jinglait ei ka pisa jong ka Council ha u snem 2007-08, bad ka KHADC ka la jubab ba ka daw ka dei ba ka khlem khate ia ka VAT na ki 155 tylli ki kam kontrak na ka bynta u snem 2007-08 kaba la wanrah ka jingduh nong ka bala kot haduh T.8,05,756.31 tyngka. Nangta la jubab ba ki MDC baroh ki la ioh ia ka Grand-in-Aid for Arts and Culture na ka bynta u snem 2007-08, bad haduh 19 ngut ki MDC ki khlem pynbiang ia ka Utilisation Certificate na ka pisa kaba la kot haduh T.2,66,000.00 tyngka.
Katei ka seng ka la pynpaw ka jingsngewkhia halor ka jingbym lah jong ka council ban pynbit pynbiang ia ka rukom lum, rukom buh bad ka rukom pyndon ia ka pisa u paidbah bad ka la ong ba ka KHADC ka la donkam kyrkieh ia ka jingpynkylla ha ka rukom shakri paidbah bad ka long kaba donkam bha ban wanrah kyrkieh ia ka Administrative reform ha ka KHADC. Ka la thoh sha u CEM ba u dei ban wad tynrai ia ka daw ba ka KHADC kam biang jingkhein jingdiah.