Shad Seng Khasi Ri-Bhoi bad Nongmensong

Shillong, 01 Lber:
Ka Seng Khasi Ri-Bhoi Pyllun kan pynlong iaka Lympung kaba 4 ha shnong Khyndewso hajan Mawlasnai ha ka 5 tarik u Lber 17.Kumta ka seng ka khot kawer ia baroh ki kur ki kha kiba bat ia la ka Niam tynrai ban ia poi sha katei ka lympung ha Ri-Bhoi bad ban wanrah ruh iaka put ka tem bad ka shad tynrai naki tnad Seng Khasi , la ong ka kyrwoh na u Bah Lam Sungoh President bad Bah Ap Dohling Secretary.
Ha kajuh ka por, ka Seng Khasi Nongmynsong ka pyntip ba kan pynlong ïa ka Shad Suk Mynsiem ba shi sien shi snem ka jong ka haka 18 bad ka 19 tarik mynta u bnai ha madan Urkaliar. Kumta ka Seng ka wer ïa ki nongshad kynthei bad shynrang ban ïashim bynta naka bynta ban pynphuh pynphieng ïa kane ka shad ka kmen kaba long ka dak ai nguh u khun bynriew ïala u Blei Trai Kynrad.
Ha kawei ka liang, ka Seng Khasi Kmie ryngkat ka komiti u Tymmen u San, ki phah ïa ka kitbok kitrwiang sha baroh ki khun samla pule jong ka Seng Khasi bad Seiñ Raij, kiban khreh naka bynta ba kin ïakhun ïa ki eksamin bapher bapher ka jong ki. Ka kyrwoh na ki nongïalam ka seng ki ai mynsiem ïa ki khun samla kynthei bad shynrang ban dem minot ha ka jingpule, khang ban lah ha kaban ïa tbeh sha ka thong ban kiew shakhmat ha ka liang ka jingnang jingstad ha ka jingim.