Kyrshan ka MPUF ia ki ar seng

Shillong,2 Nailar:
Ka seng Meghalaya peoples’ United Front Central Governing Body (MPUF-CGB) lyngba ka kyrwoh na u General Secretary u samla Aimonbha Syad ka la pynpaw ba ka seng ka ai ka jing kyrshan ba pura ia ka jing dawa jong ki ar seng ka JSU & JYF halor ka nongrim ban pynlong ia ka eksamin bad interview jong ka MPSC hapoh nongbah Jowai.
Ka MPUF ka la ong ba ki jingdawa jong ki ar seng ki long ki jingdawa kiba shongnia bad shong nongrim ha kaba bun sien ki samla wad kam hapoh ka Ri lum Jaintia ki hap ban pynlut pisa da ki hajar hajar tyngka ban leit tang na bynta ka interview bad kata ruh kam tikna ba baroh na ki ba leit eksamin bad interview kin ioh kam lut bad sa ka wei ruh ki ne ki samla wat kam kim lah ban poi ha ka por ka ba biang na ka bynta ka eksamin bad interview ba dei na ka daw ka jing dheng kali ba khah khah.