Pan jingiarap ka KJP Synod Sepngi sha ki lanot iap kali

Shillong, 28 Rymphang:
Ka KJP Synod Sepngi ka la plie ia ka jaka lum jingiarap, na ka bynta kito kiba ia kynduh ia ka jing aksiden kali ha Nongspung, Nongstoin haka 26tarik Rymphang 2017, kiba thmu ban leit sha ka jingiaseng Samla jong ka Jingiaseng Samla KJP Synod Sepngi ka ba long ha ka Balang Nonglang. Kane ka jinglum jingiarap, kan kynthup ia kito kiba kwah ban ai jingiarap, kiba kwah ban wad jingtip shaphang kito kiba shitom kiba don ha ki Hospital bapher bapher jong ka Nongbah Shillong. Kiba don ka jingkwah ban ai snam bad kiwei kiwei.
Naka bynta ka jingtip ba kham bniah ki lah ban phone sha U Rev. Bidonbok Syiem – Director Urban Mission, 8974026462/ 9856985092, T.Bn. Powel Sohkhlet – 98630 63584.
Kum ban shu pynkynmaw ba ka KJP Synod Sepngi ka la dep ban wan ai ia ki jingiarap da ka pisa sha baroh ki lanot kiba iakynduh ia kane ka jingjia kaba sngewsih, ong ka kyrwoh na U Rev. S.S. Majaw, Senior Executive Secretary, KJP Synod Sepngi.