Shah beh kam u Prof Roy ba shah kynnoh leh beijot

Shillong, 26 Rymphang:
Uwei uba la shah kynnoh ban leh beijot ia ka khynnah 14 snem u Sudhir Kr Paul uba la jer ka khynnah kum u ‘Prof. Roy’ u la shah beh noh na ka jaka ba u trei.
Ha ka jingpynlait khubor, u M. K Majumder u Director ka Sacred Heart Career Academy kaba don hajan ka Madan Iewryng hep, u la ong ba u Paul, uba la dei u Office Manager bad kane ka Academy, la beh kam noh naduh ka 23 tarik Rymphang hadien ba u la shah kynnoh leh beijor ia ka khynnah 14 snem.
Dang shen, ki pulit ki la pynmih ia ka jingpynbna paidbah da kaba phah sha ki pulit ka West Bengal ban kem ia u namar ba u la phet rieh na Shillong hadien ba la shah tthwet ha ki pulit.
Ki pulit kila kem haduh 18 ngut ki briew kiba donkti ha kane ka kam leh beijot ia ka khynnah 14 snem, ha kaba u MLA ka Mawhati u Bah Julius K Dorphang ruh u la shah kem.
Ia u Paul la pynngat ha ka kyndon POCSO Act.