Byrthen ka HNPF ia ki pulit

Shillong,2 Nailar:
Ka Hynniew Trep National People Federation HNPF womens’ wing Jaintia Circle ka la byr ngem ban shim da ki lynti ba tyngeh lada ki pulit kim weng ia ka jingujor, pyr shah ia ki nongialam jong ka seng HNPF East Jain tia Hills District. Ka seng kala kynnoh ba ki pulit ki ujor FIR ia ki nongialam ka seng tang namar ki nongshim kabu ha ka miet ba ka seng ka la khot ia ka pakhang shnong, kaba ka seng ka mana lypa ia ki nongshim kabu ha katei ka miet pakhang shnong.
Ha ka juh ka por ka HNPF ka la kynnoh ba ki pulit ki ujor ia ki nongialam ka seng khlem kino kino ki jinglap ba shisha, hynrei ki dei tang ki jingkynnoh. Ka kyrwoh na ka kong R.Syntem President HNPF Women’s Wing Jaintia Circle ka la ba ki pulit ki dei ban ai FIR ia uwei u pulit uba la pyndonkam ia ka juh ka nombar plate ha ki ar tylli ki kali kaba dei shisha ka kam be-ain.