Yn kynduh biang ka UDP, la sngi Hatmajai halor ki 9 mat

Shillong, 26 Rymphang:
Ka jingialang jong ka Sub Committee ka UDP kan iakynduh biang ha kane ka sngi Hatmajai ban iakren halor ki khyndai tylli ki mat ba la pan jingshai na u CEM ka KHADC u Bah Pynshngain N Syiem.
Kane ka jing iakynduh ka UDP ka long hadien ba ka party ka sngew mong bha ia ka jingjubab jong u Bah Pynshngain uba la niat sha ki EM bad ki MDC ka UDP ban jubab namar ba u la dep batai ha ki.
U senior working president u Bah Bindo Lanong u la ong ba ka party kan leit ban thep ia ka jingujor sha u Lat ka jylla pyrshah ia ka jingpyndonkam bakla jong u Bah Pynshngain ha kaba iadei bad ka jyrsieh jong ka KHCF.
Ha ka jingshisha, ka UDP ka la thmu ban leit ujor sha ka sorkar jylla pyrshah ia u Bah Pynshngain namar ba ka la shah kynnoh ba ka iadon kti bad ka Congress ban pynkhyllem ia u, ka la rai ban leit ujor noh sha Lat ka jylla.
Kane ka jingkhot biang ka Sub committee ka long hadien ba ka UDP kam sngew hun ia ka rukom jubab jong u bah Pynshngain khamtam halor ka jingkynnoh jongu, ba ka donkti bad ka Congress ban pynkhyllem ia u.
Ka UDP ka la pan jingshai na u CEM halor ka mat kaba iadei bad ka jingpyndonkam bakla ia ka pisa a HHCF kaba T. 2 klur, ka jingjah ka pisa T.16 lak na ka tnad Forest Department, bad kiwei ki mat.