2 bnai haduh 23 tylli ki kam batbor kynthei

Shillong, 24 Rymphang:
Katkum ka jing kheiñ ba la ioh na ka website pulit ki la don haduh 23 tylli ki jingjia batbor kynthei mynta u snem kata tang hapoh 2 bnai kaba mut naduh ka 1 tarik u kyllalyngkot haduh ka 23 tarik mynta u bnai. Na kitei ki 23 tylli 7 tylli ki dei kiba la jia ha Ri-Bhoi District, 5 ha South West Khasi Hills, 4 ha East Khasi Hills, 2 na West Jaintia Hills, 2 na East Jaintia Hills, 2 na West Khasi Hills bad 1 ha North Garo Hills.
Napdeng kitei ki 23 tylli ki jingjia batbor, 13 tylli ki dei ki jingshah batbor ki khynnah ba dang rit ka rta ha kaba kaba rit eh ka dei ka khyllung 9 bna ikaba la shah batbor, 10 ngut kiba la heh kiba la palat ia ka 18 snem karta bad kaba heh eh ka rta na kiba shah batbor ka dei kaba la 48 snem karta. Katei ka jingshah batbor ki kynthei haba ia nujor bad u snem ba la dep ka la nangkiew ha kaba ha u kylalyngkot bad rymphang jong u snem 2016 kata ar bnai ki don 14 ngut kiba shah batbor 12 ngut ki longkmie bad 2 ngut ki khynnah rit.