Pyrshah ki nongkhaii maw bad dewiong, na ka 9ton ha Sohkha

Jowai, 22 Jowai:
Ki nongshalan maw iong bad mawshun  sha Bangladesh ha ryngkat ki nongniah trok, ki pyrshah jur ia ka jing pyrkhing jong ki ar ngut ki Enforcement Inspector ha kaba thew ia ki kali ha ka jaka thew ha Amsyrin, kaba ha Sohkha.
Ki Enforcement Inspector kiba don ha kane ka jingkieng thew, ban pyndep ia ka hukum jong ka sorkar  ban teh lakam ia ka  jingkit palat pud jong ki trok kit maw kiba leit shalan sha Bangladesh, ki daiñ kuna ia ki kali kit maw kiba kit palat iaka 9 ton namar ka hukum jong ka NGT ka long ban kit hapoh 9 ton.
Na ka liang ki nongniah bad ki nongshalan mawiong bad mawshun, ki kyrpad ia kiba halor ba kin sngewbha ban lehshitom ia ka ban  pynbeit ia kane ka kam da kaba pynjynsur ia ka rukom thew, khnang ba ki kali kit maw  kin ioh ban iaid beit kumba ju iaid man ki por kham tam ha poh kine ki 2 bnai 3 bnai.
Na ka liang jong u bah G.Lyngdoh u kyrpad ia ki nongtrei jong ka jingkieng thew, ba kin ia sngewthuh jingmut bad kiba dei peit ia ka tnat pyniaid kali, namar ba katei kan ktah bha ia ki nongkhaïi tang na ka daw ba kim iasngew thuh jingmut ki katto katne.