Mynta yn shong jingialang ka UDP

Shillong, 19 Rymphang:
Ka UDP kan shong jingialang biang lashai ka miet lah sngi u blei ban pyrkhat ia ki kam ba ia dei bad ka District Council, iathuh u Dr.Jemino Mawthoh –General Secretary. U Dr.Jemino u la ong ba hadien ba la shim rai ha ka miet sngi thohdieng ka Party ka la sngew dei ban lum jingialang ban ia shong pyrkhat biang halor kitei ki rai kata ban rai biang halor ka jingthmu ujor sha ka DCA ia u CEM ka KHADC bah Pynshngaiñ bad ka rai ban iatai ha dorbar.
Katkum ki khubor ba la iohlum kaba la ong ba ka UDP kam ailad ia ki MDC ban rah da ka No-Confidence Motion ha ing dorbar ka KHADC, u Dr.Jemino u la ong ba la shim ia ka rai katkum ka jingsngew kiba bun namar ba ka UDP ka buh ia ka Party hakhmat bad ki riew shimet shadien hynrei u la ong ba bun kiei kiei yn iatai biang ha ka jingialang ka ban long ha ka miet 20 tarik.U la ong ruh ba kam don kano ka jingiapher jingmut hapoh katei ka seng bad baroh ki ia ryntih.