Jop U Ma Puramon Kynjing, U Doloi thymmai ka Elaka Jowai

Jowai, 17 Rymphang:
U Ma Puramon Kynjing, ula jop ia ka elekshon Dolloi jong ka Elaka Jowai, da kaba u la pyntam da 1,844 vote bad ula pynliem ia U Ma RK Rymbai, ha ka jingialeh ha ki 35 tylli ki jaka thep vote jong katei ka Elaka, kaba kynthup ruh ia ka East bad ka West Jaintia ruh kumjuh bad kaba don 24tylli ki Shnong, ha katei ka Elaka. U Ma Puramon, u ioh 8829 vote, katba U Ma RK Ram u ioh 6985.
Ka sngi thep vote, ka dei ha ka 14tarik mynta u bnai, ha kaba la pyniaid da ka Jaintia Hills District Council.
U Ma Puramon Kynjing, uba la long kum U Acting Dolloi, hadien ka jingkhlad U Ma TC Rymbai, un shimti kum U Dolloi ba pura ka Elaka Jowai. Lah ban pynkynmaw, ba U Ma Comet, ula khlad noh ha ka 18tarik Naiwieng 2014. U Ma RK Rymbai, u dei u pyrsa jong U Ma Comet, u Dolloi, uba la khlad noh.