Ar tylli ki Bolero, da kajuh ka number ia u heh pulit

Jowai, 1 Nailar:
Ka seng HNPF, ha ka jingpynmih khubor jongka mynta ka sngi, ka pynrem jur ia uwei na kitei ki heh Pulit u ma Wanris Rymbai ba ula pynkhein ia ki kyndon ain jong ka Motor Vehicle Act 1988 ha kaba u la pyndonkam da ka juh ka number ia ki ar tylli ki kali ba u pyndon kam. Kat kum ka jinglap jong ka seng, ka la pyn sakhi da ki dur ba ladep shon la lap ba utei u heh Pulit ula pyndait ia ka Plate kaba don ia u No. ML04 A 4000 ha ka kali Private jong u (Bolero rong saw jngum) bad da kane ka juh ka number u la pyndait ruh ha ka kali ba ula ioh kem (Bolero rong silver).
Na ka liang ka seng HNPF ka kyntu jur ia ka sorkar bad DTO ophis ba kin pynshitom ia kum une u briew ba pynkhein bad uba nud ban leh haduh katne nalor kata une u Wanris uba dei u nongbat ain.